TikTok Kuanza Kugawana Mapato Ya Matangazo Na Wazalishaji Wa Maudhui (Content)!

Ni wazi kuwa mitandao mingi inatengeneza pesa kupitia matangazo na mara nyingi tumeona kuwa sehemu ya mapato hayo wanayopata hugawana na wazalishaji wa maudhui.

Hii ni kama mtandao wa YouTube ambao unajulikana sana unavyofanya katika kulipa wazaishaji wa maudhui katika mtandao huo. TikTok nayo imeona isibaki nyuma kabisa.

Wengi wameipongeza kampuni kwa jambo hili kwani wengi wanaamini ni njia sahihi na ni moja wapo ya njia ambayo itaufanya mtandao kupata wazalishaji maudhui wengi zaidi.

TikTop imesema kupitia mtandao mpya wa TikTok Pulse, ambao kwa haraka haraka utaruhusu matangazo kutokea katika baadhi ya video katika mtandao wa TikTok.

Ili mzalishaji wa maudhui (content creator) kuweza kupata sehemu ya mapato inabidi awe na wafuasi wasiopungua 100,000 kama sehemu ya video zao zikichaguliwa kuonyesha matangazo hayo.

TikTok Pulse itaziduliwa rasmi mwezi wa sita huko na wakwanza kutumia akiwa ni marekani huku masoko mengine yakifuata.

Ningependa Kusikia Kutoka Kwako, Nipe Mtazamo Wako Hii Umeipokeaje?

Kumbuka Kutembelea Mtandao Wako Wa TeknoKona Kila Siku, Kwani Daima Tupo Nawe Katika Teknolojia!.

Nifuate Kwenye Mitandao Yangu Ya Kijamii

  Instagram | Facebook | Twitter | LinkedIn