Mamlaka ya mawasiliano Tanzania, TCRA imetoa tangazo la kuufahamisha umma wa watanzania kusudi la kuinyang’anya leseni kampuni ya Star Media Tanzania Limited (StarTimes) kwa kukiuka masharti ya leseni waliyopewa.
Tarehe 8 Juni 2010, Mamlaka ya Mawasiliano Tanzania (TCRA) ilitoa leseni kwa kampuni ya STAR MEDIA TANZANIA LIMITED kwa ajili ya kurusha matangazo kidijitali.
Leseni waliyopewa StarTimes inahusisha kuonyesha chaneli za ndani kwenye ving’amuzi vyao na hazipaswi kulipiwa. Chaneli ambazo zinatakiwa kuangaliwa bure hata kama hujafanya malipo ya kifurushi chochote ni TBC1, ITV Channel 10, Clouds TV, Star TV na EA TV.
Hata hivyo, kwa muda mrefu imebainishwa na TCRA hasa baada ya malalamiko ya watazamaji wengi kutofurahishwa kwa chaneli hizo kutokuwa hewani pindi kifurushi kinapokwisha muda wake.
King’amuzi cha Starimes nacho imefikiwa na rungu la TCRA.
Suala la kutozwa pesa kwa chaneli za bure kwenye ving’amuzi vya StarTimes limekuwa likilalamikiwa kwa muda mrefu na watumiaji wengi wa ving’amuzi vya kampuni hiyo, sasa TCRA wamejibu vilio vya wengi.
Timu ya uandishi wa Kona ya Teknolojia ingefurahi kupata sapoti yako ili iendelee kukuletea habari na maujanja mbalimbali.
Wezesha bando kwa kutuma kiasi chochote kupitia Selcom, kwenye simu yako bofya *150*50*1# kwenye namba ya malipo weka 60751369 jina litakuja TEKNOKONA.
