Sony kwa sasa watahusika katika maboresho au kutoa huduma kwa Play Station 3 na 4 tu. PS2 ndio iliyopata umaarufu zaidi na kuuzwa kwa wingi duniani kote.
Play station 2 ilizinduliwa tarehe 4 Machi 2000 nchini Japan na baadae Oktoba Amerika ya Kaskazini na imeuzwa zaidi ya milioni 155 duniani kote. Pia ndio kifaa ambacho kina na michezo takribani 3000 ya aina mbalimbali.
Play Station 2 (PS2).
Tangazo la Sony kuhusu kusitisha huduma kwa PS2 limepokelewa kwa huzuni kubwa kwa watumiaji wengi wa mchezo huo ambao walitweet katika akaunti zao kusikitishwa na hatua hiyo.
Michezo maarufu iliyokuwa ikitumika katika PS2 ni Grand Theft Auto: San Andreas, Ratchet and Clank, The Simpsons: Hit & Run, Spider-Man na bila ya kusahau mpira wa miguu.
PS2 ni moja ya mchezo unaotumika sana kwa hapa Tanzania kuanzia majumbani mpaka kwenye vibanda maalum ambapo hutozwa kiasi cha pesa kwa anayehitaji kucheza.
Timu ya uandishi wa Kona ya Teknolojia ingefurahi kupata sapoti yako ili iendelee kukuletea habari na maujanja mbalimbali.
Wezesha bando kwa kutuma kiasi chochote kupitia Selcom, kwenye simu yako bofya *150*50*1# kwenye namba ya malipo weka 60751369 jina litakuja TEKNOKONA.
