Snapchat imeanza kuziuza miwani zake maalumu za kurekodia video kupitia mtandao, awali miwani hizi zilikuwa zinauzwa kupitia maduka maalumu ambayo yaliwekwa katika miji tofauti tofauti.
Snapchat wanauza miwani hizi katika mtandao kwa watumiaji walio Marekani kwa dola za Marekani 129.99 kila moja, hii inaweza kuwa nimoja kati ya mbinu za kampuni hii kuwathibitishia wawekezaji kwamba kuna njia nyingine ya mapato na sio tu kupitia matangazo.
Mtandao huu umekuwa katika harakati za kuwavutia wawekezaji tangu ulipotangaza kuuza hisa zake, hivyo inajaribu kuwavutia wawekezaji kwa kuonesha fursa zilizopo.
Kabla ya kuanza uuzwaji wa miwani hizi katika mtandao Snapchat walikuwa wanatumia vibanda maalumu ambavyo vilikuwa vinachomoza katika miji mbalimbali. Hatua hii inaifanya Snapchat kuzidi kujidhatiti kimapato kwa kuongeza njia ya ukusanyaji wa mapato, tofauti na mitandao kama Instagram ambayo kwa kiasi kikubwa inategemea matangazo.
Kwa sasa wanaoweza kuagiza miwani hizo ni watumiaji walio nchini Marekani, kwa watumiaji walio katika nchi nyingine watahitaji kuendelea kusubiri huenda siku za usoni Snapchat wataongeza nchi ambazo watumiaji wanaweza kuagiza miwani hizo. Miwani hizi zinatumiwa kwaajiri ya kurekodia video kisha kusambaza katika mtandao huo wa Snapchat.