Snapchat Na Uwezo Wa Kutumia Kamera Ya Mbele Na Nyuma Kwa Wakati Mmoja!

Mitandao ya kijamii inazidi kutushangaza, pengine teknolojia hii sio mpya japokuwa ni ngeni kwa watu wengi, sasa Snapchat inakuja na teknolojia hii.

Pata picha kama unaweza ukatumia kamera mbili kwa wakati mmoja, yaani kuchukua video au picha kwa kutumia kamera ya mbele na ya nyuma katika mtandao wa Snapchat.

Kipengele hichi sio cha kushangaza sana kama ulishawahi kutumia mtandao wa kijamii wa BeReal, na vyanzo mbalimbali vinasema kuwa mtandao huu umeibia hicho kipengele huko.

Kinachotokea hapa ni kwamba ukiingia katika mtandao wa Snapchat katika kutumia kipengele hicho ni kwamba kioo kitajigawa mara mbili

Upande wa juu na upande wa chini, juu ikiwa inaonyesha kinachoonekana kupitia kamera ya nyuma na chini kukiwa kunaonyesha kamera ya mbele.

Kwa sasa huduma hii inapatikana katika Snapchat ya iOS tuu huku kwa watumiaji wa Android kipengele hiki kitaanza kupatikana miezi ya baadae huko.

Kwa sasa mtandao wa BeReal unakuja kwa kasi sana na ni wazi kuwa utakua ni mshindani mkubwa sana kwa mitandao ya kijamii iliyopo na fununu ni kwamba mitandao mingi imeshaanza kuiba baadhi ya vipengele katika mtandao huo wa kijamii.

Ningependa kusikia kutoka kwako, niandikie hapo katika eneo la comment, je kipengele hiki unakipokeaje? Uko tayari kuanza kutumia kamera zote mbili kuchukua tukio kwa pamoja?

Kumbuka Kutembelea Mtandao Wako Wa TeknoKona Kila Siku, Kwani Daima Tupo Nawe Katika Teknolojia!.

Nifuate Kwenye Mitandao Yangu Ya Kijamii

Instagram | Facebook | Twitter | LinkedIn

Hash