Snap Wanasema kwamba mtandao wao maarufu wa kijamii unaohusika na maswala ya picha na video wa Snapchat unakuwa kwa kasi sana ukilinganisha na kipindi cha nyuma.
Ni wazi kwamba kuna kipindi Snapchat ilikua inakadiriwa kabisa kwamba inaweza kuporomoka sana ki matumizi hali ambayo ingewweza kupelekea hata kufilisika kwake.
Vile vile CORONA imeifanya mitandao mingi ya kijamii kupata watumiaji wengi (ukuaji) kwani watu wengi walikua wapo tuu nyumbani hivyo kutumia muda mwingi katika mitandao ya kijamii.
Haya turudi kwa Snapchat, inasemekana watumiaji wa mtandao huu ambao wako ‘active’ wameongezeka hadi kufikia milioni 293 kwa siku.
Namba hii ni kubwa sana kwa mtandao wa Snapchat, kwani ni ongezeko la asilimia 23 ukilinganisha na mwaka jana kwa kipindi kama hichi.
Kumbuka kwa watumiaji wa siku walio ‘active’ hii inamaanisha kampuni inaipita hata twitter ambayo ina watumiaji milioni 206 kwa siku kwa robo ya pili ya mwaka 2021.
Kumbuka kuongezeka kwa watumiaji hii inamaanisha hata mapato kwa kiasi kikubwa yanongezeka na ndivyo ilivyotokea kwa Snapchat maana mapato yameongezeka.
Mapato yameongezeka kwa asilimia 116 na kufikia dola milioni 982 za kimarekani ambalo ni ongezeko kubwa la mapato ambalo wameshawahi pata.
Ongezeko hilo ni la haraka kupatikana (kwa muda mfupi) kuliko makampuni megine kama vile Facebook na Twitter kwa kipindi hiki.
Ningependa kusikia kutoka kwako, unadhani Snapchat itaendelea kuwa na kidedea katika ukuaji wake? niandikie hapo chini katika eneo la comment.
Kumbuka Kutembelea Mtandoa Wako Pendwa Wa TeknoKona Kila Siku Kwani Daima Tupo Na wewe Katika Teknolojia!.
No Comment! Be the first one.