Kutana na Sirius A, hii ni kompyuta ndogo isiyokuwa na ata feni ndani yake. Sirius A imetengenezwa na kampuni ndogo tuu inayojulikana kama Ockel Computers iliyokuja na wazo la bidhaa yake kupitia huduma ya kutafuta mitaji ya IndieGogo.
Ingawa ni ndogo, ata kuzidi baadhi ya tableti bado Sirius A ina uwezo wa kuwa kompyuta kamili pale inapounganishiwa na keyboard, mouse/kipanya na TV/Monitor.
Sirius A ina ukubwa wa inchi 6 tu na inakuja na kilo (display) ya mguso (touchscreen). Display yake ni ya kiwango cha HD cha 1080p.
Pia inakuja na kamera ya mbele (selfi) pamoja na teknolojia ya kutambua alama za vidole (fingerprint sensor).
Betri la mAh 3,000 – Ocket Computers wanasema utaweza kutumia kompyuta yako popote ulipo kwa hadi massa 3.
Je ina tofauti gani na tableti za kawaida?
Kuonesha uwezo wake mkubwa kama kompyuta na si kuwa sehemu moja na tableti zinazotumia Windows Sirius A inakuja na ports mbalimbali na sifa zingine za kompyuta;
- Maeneo mawili ya USB 3.0 pamoja na moja ya USB Type C
- Eneo la waya HDMI, DisplayPort na intaneti ya waya – Ethernet
- Pia kuna sehemu ya Umeme wa V 12.
- Pia ina WiFi na Bluetooth 4.2
Kuna matoleo mawili, kuna toleo la Sirius A linalotumia Windows 10 Home 64bit, hili linakuja na prosesa ya Intel Atom na RAM ya GB 4 na diski ya SSD ya GB 64. Pia kuna toleo la Sirius Pro, hili linakuja na RAM ya GB 8 na diski ya SSD ya GB 128.
Bei zake zitakuwa kati ya Tsh 1,200,000 hadI Tsh 1,500,000. Na kupitia mtandao wao watatuma bidhaa hiyo kwa mnunuaji yoyote katika nchi mbalimbali.
Fahamu zaidi: IndieGogo | Ockel