Baada ya uvujaji na taarifa nyingi hatimaye simu kutoka kampuni ya Uchina ya Oppo Find X imezinduliwa jana Paris nchini Ufaransa.
Simu hiyo inatarajiwa kuanza kuuzwa mwezi Agosti mwaka huu na haijajulikana kama itapatikana katika masoko yote duniani au itaanza Uchina kisha kufuatiana mengine. Kwa kawaida Oppo imekuwa ikilenga masoko ya Uchina, India, Ufilipino na baadhi ya nchi za Asia.
Oppo Find X inakuja na teknolojia ya kamera ya mbele yenye kujifunga na kujifungua kitu ambacho kitawavutia watumiaji wake wengi. Kamera hiyo itajifungua tu pale mtumiaji atakapotaka kuitumia kwa picha za selfie.
Namna ya muonekano wa kamera ya mbele ya Oppo Find X
Ikiwa na prosesa bora na ya kisasa ya Snapdragon 845 kadhalika katika upande wa uhifadhi wa ndani nako kuna mapinduzi makubwa; 256GB ambapo kwa ukubwa huo hakuna ulazima wa kutumia au kuongeza memori ya ziada ndani ya simu yako.
Kama utapenda kuongeza memori kwenye simu hiyo pia waweza kuweka yenye ukubwa mpaka wa 400GB. Kwa upande wa RAM ina ukubwa wa 8GB pamoja na mfumo endeshi wa Android 8.1 Oreo.
Simu za Oppo zinafanya vizuri katika soko la simu rununu na kwa hii simu ndio imeongeza gumzo na kuifanya bidhaa za kampuni hiyo kuzidi kufahamika.
Oppo Find X inatarajiwa kuanza kuuzwa katika nchi za Ulaya na Amerika ya Kaskazini takribani kwa dola 999|zaidi ya Tsh. 2,297,000.
Timu ya uandishi wa Kona ya Teknolojia ingefurahi kupata sapoti yako ili iendelee kukuletea habari na maujanja mbalimbali.
Wezesha bando kwa kutuma kiasi chochote kupitia Selcom, kwenye simu yako bofya *150*50*1# kwenye namba ya malipo weka 60751369 jina litakuja TEKNOKONA.
