Kampuni ya Samsung imetoa tangazo rasmi juu ya ujio wa bidhaa mpya kutoka kwao, zitakazooneshwa kwa umma siku ya Jumatano, Agosti 11, mwaka 2021 katika tukio lao lijalo la uzinduzi.
Kwa kawaida, haya ni majira ambapo Samsung huzindua matoleo mapya ya simu zao aina ya Note, lakini pia, katika miaka ya hivi karibuni, simu zao mpya zenye muundo wa kukunjika (Foldables). Hata hivyo, kwa mwaka huu, Samsung ilitoa tamko kupitia kwa viongozi wao kuwa hakutakuwa na toleo la Note lakini matoleo ya “foldables” yatakuwepo.
Kaulimbiu ya tukio hilo katika majira haya kwa mwaka huu ni “Get ready to unfold” ikimaanisha kaa tayari kukunjua ama kufungua, ikiashiria kuzinduliwa kwa matoleo mapya ya simu zao zenye muundo wa kukunjika/kukunjuka.
Tukio la Galaxy Unpacked lijalo
Bidhaa zinazotarajiwa kuzinduliwa ni simu mbili mpya zenye muundo wa kukunjika, zikitarajiwa kuwa na majina Galaxy Z Fold 3 na Galaxy Z Flip 3, lakini pia saa zao mpya, toleo la 4 (Watch 4) na headsets zao mpya za teknolojia ya bluetooth zisizo na waya wowote zikitarajiwa kuitwa Gabaxy Buds 2.
Je, unatumia bidhaa yoyote kutoka kampuni ya Samsung? Una mawazo gani juu ya bidhaa hizi mpya? Usisite kushirikisha maoni yako.
Chanzo: Samsung
No Comment! Be the first one.