Kampuni ya simu za Samsung Galaxy imeanza kufanyia kazi toleo jipya la Android Oreo 8.0 kwa simu zake na inatarajiwa kuanza kupatikana mwanzoni mwa mwaka 2018.
Kwa mujibu wa taarifa hiyo iliyotolewa na ofisi za Samsung nchini Uturuki haikuweka wazi tarehe au mwezi gani ndipo simu za Samsung Galaxy zitaanza kupata toleo la Oreo. Hata hivo simu zinazotarajiwa kuwa za kwanza kupata toleo la Oreo ni Samsung Galaxy S8, Samsung Galaxy S8 na Samsung Galaxy Note 8.
Mwaka huu simu nyingi za Samsung Galaxy zilipata toleo la Nougat. Samsung imekuwa ikichelewa kupandisha matoleo mapya ya Android kwa kuwa hufanyia kwanza marekebisho kadhaa ili kuendana na simu zake.
Kwa kawaida simu za Pixel ambazo hutengenezwa na Google hupata mapema zaidi matoleo ya Android kuliko simu nyingine zinazotumia mfumo endeshi wa Android.
Toleo la Android Oreo lililozinduliwa Agosti 22 mwaka huu, limekuwa likisubiriwa na watumiaji wengi wa Android kwa kuwa limeambatanishwa na nyongeza nyingi na vionjo vizuri.
Other Articles
Next
October 27, 2017
Usalama wa nywila kwenye simu yako unatokana na ushikaji wa simu
Previews
October 26, 2017
Taasisi ya Sayansi China yakuza mpunga mpya wenye urefu wa mita 2.2
