Pokemon Go tangia iachiwe rasmi mwezi wa saba mwanzoni 2016 imeleta mafanikio makubwa sana. Mpaka sasa imeshashushwa zaidi ya mara milioni 30
Kingine cha aina yake ni kwamba mchezo huu umechukua muda wa siku saba tuu kuweza kushushwa mara milioni 10. Yaani wiki moja mchezo huu umeshushwa mara milioni 10 na ni rekodi ya aina yake ambayo yaijawahi kuwekwa na gemu yeyote ya simu
Pokemon Go imeweka rekodi hii kwa kuizidi Clash Royale siku mbili zaidi na kuizidi siku tano Candy Crush Jelly Saga
Ripoti hizi zinametolewa na kampuni ya utafiti ya SensorTower na moja kati ya masoko makubwa ya mchezo huu ni huko Japan
Ukiachana na mchezo kama mchezo bado Pokemon Go imeleta faraja kubwa sana katika kampuni la Nintendo. Hisa za Nintendo zimeongezeka thamani katika bei zake kupitia mchezo huu
Lakini hata hivyo sio wao tuu ambao wanapata asali kupitia mchezo huo wa Pokemon, baadhi ya wataalam wametabiri kuwa kampuni ya Apple inaweza ikaingiza mapato ya dola bilioni 3 kati ya miezi 12 mpaka 24 ijayo kupitia mchezo huo.
Apple wanapokea asilimia 30 ya mauzo katika mchezo huo na watabiri wengi wanasema kuwa manunuzi mengi (80%) ya gemu hiyo yanafanyika kwa kutumia vifaa vya iOs
SOMA PIA: Pokemon Go: Gemu Tishio Kwa Mitandao Ya Kijamii
Hii inaonyesha ni jinsi gani kitu kidogo kinavyoweza kuingiza pesa kama kikitengenezewa mazingira.
One Comment
Comments are closed.