Instagram bado inasimama kama mtandao namba moja duniani kwa maswala ya picha na video. Kwa umaarufu huo, umegeuka kuwa kimbilio la watu wengi wanaopenda mitandao ya kijamii.
Kuna aina tofauti tofauti watu wanaweza kuzitumia katika ku’post matukio yao. Kubwa ambali limenifurahisha ni kwamba kwa msaada wa App au ujuzi wa mtu binafsi unaweza ukapost picha moja ila ikajigawa mara 9 na kila kipande kikajipost ili kutengeneza picha moja
Pengine labda hujanielewa! Tazama picha hapo chini kupata picha zaidi!
Baada ya kupata pich atwende moja kwa moja katika App ambazo utaweza kuzitumia katika kuwezesha hili.
Kwa Wale Wa Android.
- Instagrid Grids For Instagram
Hii ni moja kati ya App maarufu sana ambayo inapatikana bure. Ikiwa imeshushwa zaidi ya mara milioni moja itakusaidia kutengeneza picha hizo bila ya kupoteza ubora wa picha zenyewe. Kingine kikubwa ni kwamba hutatumia muda mwingi wakati unaitumia kwani ni rahisi sana kuitumia. Kama haitoshi utaweza kutuma moja kwa moja picha hiyo kwenda katika mtandao wa Instagram
Kwa Wale Wa iOS.
- Instagrids
Kama ni mtumiji mzuri wa iPhone (iOs) basi App hii ndio chaguo lako. Inakupatia urahisi wa kugawanya picha yako katika vipande pande ambavyo unaweza ukavipost na kuwa na muonekano tofauti katika profile lako. Kutuma kazi yako moja kwa moja katika mtandao wa Instagram inawezekana hivyo hautakuwa na haja ya kuhifadhi kazi zako katika gallery kwanza
Hii inakuja katika matoleo mawili, Toleo la bure na lile la kulipia. Katika lile la kulipia unaweza ukapata huduma za kuongeza stika katika picha, unaweza ukaongeza rangi katika vipande unavyotaka na mengine mengi. Kwa kifupi ni kwamba katika toleo la kulipia unaweza ukafanya uhariri (Edit) picha zako.
Mpaka hapo natumaini Profile lako linaweza likapata muaonekano wa kivyake. Kama umeshawahi kutumia App hizi au zinazofanana na hizi pia usisite kutuambia mapokezi yako.