vivo V21 5G ni mojawapo ya simu janja zilizo kwenye ulimwengu wa 5G ambao unaonekana kushika hatamu kutokana na makampuni mengi kuonekana kutoa rununu za aina hiyo.
Niseme wazi tuu kwamba kampuni nyingi hivi sasa zinaweka nguvu kubwa katika kuhakikisha simu janja wanazotoa zinaendana na kasi ya ukuaji wa teknolojia hususani tunapozungumzia 5G. Teknolojia ya 5G haijasambaa sana nchi nyingi lakini hasa barani Afrika ila si haba kuna siku tutafika huko.
Katika pitapita zangu za huku na kule nikakutanana na vivo V21 5G na kwa maneno machache tu nikasema lazima niandae makala kuhusu simu janja hii ambapo sifa zake ni kama ifuatavyo:-
Kioo :
- Ukubwa: inchi 6.44
- Ubora: AMOLED (1080*2400px, 90Hz); ina ung’avu wa hali ya juu kufanya kinachoonekana kwenye kioo kivutie
Memori :
- Diski uhifadhi: 128GB/GB 256+uwezo wa kuweka memori ya ziada
- RAM: GB 8
Kamera :
- Kamera Kuu: MP 64, 8 na 2+taa moja ya kuongeza mwangaza sehemu ambazo kuna mwanga hafifu. Ina uwezo wa kurekodi picha mnato za ubora wa 4K na 1080px
- Kamera ya Mbele: MP 8+Ina taa mbili za kuongeza mwangaza sehemu hafifu, uwezo wa kurekodi picha mnato za ubora wa 4K na 1080px
Betri/Chaji :
- Li-Ion 4000 mAh
- USB-C 2.0, OTG+uwezo wa kuchaji haraka kwa nguvu ya 33W (63% ndani ya dakika 30 tu)
Kipuri mama :
- MediaTek MT6853 Dimensity 800U 5G
Uzito :
- Gramu 176
Programu Endeshi
- Funtouch 11.1, Android 11
Rangi/Bei :
- Nyeusi, Bluu mpauko, Jua kuzama na Nyeupe
- GB 8/128-$409 (zaidi ya Tsh. 941,928) na GB 8/256-$450 (zaidi ya Tsh. 1,035,460) bei ya India
Haina sehemu ya kuchomeka spika za masikioni, inatumia kadi mbili za simu, teknolojia ya kutumia alama ya kidole imewekwa chini ya kioo, mnara wa mawasiliano ni GSM / HSPA / LTE / 5G, Bluetooth 5.1, WiFi, haina NFC wala redio.
Simu hii tayari ipo sokoni lakini kwa nchi nyingine inawezekana bado haijafika hivyo itamlazimu mtu kuweza kuiagiza, kuvuta subira mpaka mzigo wake umfikie. Je, una maoni yoyote? Usisite kutuandikia nasi tutajibu haraka kadri itakavyowezekana.
Other Articles
Next
May 16, 2021
Kunani kwenye Oppo K9 5G?
Previews
May 16, 2021
Sifa rasmi za Sony Xperia 10 III
No Comment! Be the first one.