Kwa miaka kadhaa BlackBerry katika matoleo ya simu zake imetumia kicharazio (Keyboard) halisi kuwashawishi watumiaji wake kwamba ni kicharazio kizuri na kisicho kufa kirahisi.
Hata hivyo takwimu zinaonesha keyboard hizo hazipendwi tena na watumiaji wengi zaidi ya zile za kisasa za mguso (touch). Pamoja na hali hiyo Nokia wameamua kuja na simu yenye keyboard halisi. Simu janja hiyo ambayo bado haijajulikana itakuwa na jina gani lakini model yake ni TA-1047.
Simu janja hiyo tayari imepata kibali cha kuidhinishwa na kuthibitishwa na tume ya ushindani Fair Competition Commission (FCC). Simu hiyo inaonekana itakuwa ndogo yenye keyboard halisi kama ya simu za nyuma za Blackberry.
Mfano wa simu rununu ambayo itakuwa na kicharazio cha QWERTY.
Kama taarifa ni za kweli kuhusu sifa za simu hiyo basi itakuwa na kioo kidogo chenye 3.3inchi na 480×480 display resolution. Itakuwa na prosesa ya Qualcomm Snapdragon 230 na itakuwa na mfumo endeshi wa KaiOS. Haijajulikana kama itauzwa kwa masoko yote dunia na gharama yake itakuaje ingawa inaonekana itakuwa simu ya gharama nafuu.
Taarifa za ujio wa simu hiyo kumezua mijadala mingi kwa watu wenye kufatilia ulimwengu wa teknolojia ya simu. Ni kwamba Nokia wanarudi katika ubora wao wa zamani katika simu au ndio wanapotea.
Nokia imetoa matoleo kadhaa ya simu zinazotumia mfumo wa Android kujaribu kurudi katika ubora wa soko lake kama zamani baada ya kushindwa vibaya sokoni kwa simu za Windows. Mwaka huu wanataraji kutoa matoleo kadhaa ya simu janja mpya.
Timu ya uandishi wa Kona ya Teknolojia ingefurahi kupata sapoti yako ili iendelee kukuletea habari na maujanja mbalimbali.
Wezesha bando kwa kutuma kiasi chochote kupitia Selcom, kwenye simu yako bofya *150*50*1# kwenye namba ya malipo weka 60751369 jina litakuja TEKNOKONA.
