Netflix imekuwa ikipitia kipindi kigumu sana pengine tangu kuanziishwa kwake ni wakati huu ambao imekuwa ikiendelea kupoteza wateja wake. Na katika kipindi cha robo ya pili ya mwaka huu Netflix imepoteza karibu wateja milioni 1.
Kwenye ulimwengu wa sasa si lazima tena kushusha filamu/tamthilia na kusubiri mpaka mchakato huo ukamilike ndio uweze kuingalia kupitia kifaa unachotumia. Netflix imekuwa mkombozi wa watu wengi duniani ambapo mtu anaweza kuangalia iwe ni filamu, tamthilia au sinema papo hapo bila ya hata kuishusha ingawa si BURE bali kwa malipo ya kila mwezi.
Sasa katika hilo la wateja, Netflix imejikuta ikipoteza wateja wake takribani 970,000 kati ya mwezi Aprili na Juni mwaka huu ambapo kwa lugha ya kiuchumi na kibiashara tunasema “Robo ya pili ya mwaka”. Kwa kipindi fulani janga la virusi ya Corona lilionekana kuwa neema kwa Netflix kutokana watu kutumia muda mwingi kuwa majumbani mwao hivyo kusababisha kuwa na wakati wa kutazama vipindi mbalimbali wanavyovifuatilia kwenye Netflix.
Takwimu zinaonyesha kuwa ingawa Netflix imepoteza karibu wateja milioni moja katika robo ya pili ya mwaka lakini mapato yao ya jumla yameonezeka kwa 8.6%.
Kuongezeka kwa mapato ya Netflix kunatokana na ongezeko la wastani wa wateja ambao wanalipia kupata huduma halikadhalika wastani wa pato kwa mteja (Kiingereza: Average paid memberships and Average Revenue per Membership). Kwa upande mwingine mapato ya Netflix yangeweza kuwa juu zaidi lakini walijikuta wanapoteza $339 milioni kutokana na panda shuka ya fedha za kigeni.
Netflix imejipanga kuendelea kutafuta mbinu ya kujiongezea mapato ambapo hivi karibuni iliingia makubaliano na Microsoft ambapo mapema mwaka 2023 matangazo ya bei rahisi yataanza kuonekana kwenye Netflix. Halikadhalika, katika kipindi hicho hicho Netflix inajipanga kukabiliana na wateja wanaolipia kupata huduma kisha kuwapa watu wengine nenosiri na barua pepe zao wanazotumia kwenye Netflix. BOFYA HAPA kufahamu zaidi.
Watu milioni 100 wanatumia huduma ya Netflix bure kutokana na kutumia kutumia akaunti milioni 200 waliolipia huduma.
Kufurahia mazuri ya kwenye Netflix ni kwanza lazima uwe umelipia huduma lakini pia intaneti unayotumia iwe na kasi nzuri (sio ya kukwamakwama).
Je, wewe ni kati ya watu ambao wanaangalia sinema, tamthilia, n.k kupitia Netflix? Unazungumziaje hiki ambacho Netflix inapitia hivi sasa? Tupe maoni yako.
Timu ya uandishi wa Kona ya Teknolojia ingefurahi kupata sapoti yako ili iendelee kukuletea habari na maujanja mbalimbali.
Wezesha bando kwa kutuma kiasi chochote kupitia Selcom, kwenye simu yako bofya *150*50*1# kwenye namba ya malipo weka 60751369 jina litakuja TEKNOKONA.
Ni Mhariri Msaidizi na mtaalamu wa mambo yanayohusu kompyuta. Pia ni mmoja wa wafuasi wakubwa katika teknolojia; Dunia ya sasa inaendeshwa kwa teknolojia.
Wasiliana nami kupitia |ericmato@teknokona.com|
2 Comments