Matangazo Mpaka Ndani Ya ‘Reels’ Huko Instagram!

Ukikutana na matangazo katika kipengele cha ‘Reels’ kutoka Instagram wala usishangae maana yamesharuhusiwa kuonekana huko.

Unaweza ukawa unajiuliza kuwa unaweza kutofautisha vipi video za kawaida zilizokua zinapita huko na zile za matangazo?

Ni wazi kuwa mitandao mingi ya kijamii ikionyesha tangazo ni lazima ikuambie kwamba ni tangazo, hivyo hivyo utapata ujumbe wa neno “sponsored” katika tangazo hilo ili kujua.

Kingine ni kwamba video hizi zitakua zinajitokeza katika ya ‘Real’ moja na nyingine. Kwa mfano unaweza ukatazama ya kwanza ukaendelea hadi ya pili na kisha kati kati ya ya kwanza na ya pili ikaja video ya tangazo.

Hii ni hatua nzuri kwao Instagram maana wanajihakikisha katika swala zima la kuongeza kipato kwa kuruhusu kuonyesha matangazo mengi sana kadri wanavyoweza.

Ikumbukwe kuwa huduma hii ya ‘reels’ ilianza mwaka 2020 nwezi oktoba lakini mpaka sasa kampuni bado inasema kwamba kipengele hicho bado hakijafikia pale wanapotaka.

Ningependa kusikia kutoka kwako, je uko tayari kuanza kupata matangazo mengi ndani ya mtandao huo wa IG.? niandikie maoni yako hapo chini katika eneo la comment.

Kumbuka Kutembelea Mtandao Wako Pendwa Wa TeknoKona Kila Siku Kwani Daima Tupo Nawe Katika Teknolojia!.