Maonyesho ya bidhaa za teknolojia (IFA 2021) ambayo hufanyika Berlin-Ujerumani kila mwaka yamehairishwa kutokana na sababu mbalimbali.
Kila mwaka nchini Ujerumani hufanyika maonyesho maarufu ya teknolojia ambapo hukutanisha makampuni mbalimbali kutoka sehemu mbalimbali duniani kuja kuonyesha bidhaa mpya/kile ambacho wana mpango wa kukitoa. Watu mbalimbali husafiri na kuja kujionea bidhaa mbalimbali lakini mambo yamekuwa tofauti mwaka huu kutokana na waandaji kuhairisha maonyesho hayo.
Sababu za kuhairishwa kwa IFA 2021
Mwezi uliopita waandaji wa maonyesho hayo walitangaza kuwa kuwa shughuli hiyo ingefanyika lakini kwa taarifa za hivi leo wameamua kuyahairisha kutokana na virusi vya Corona ambavyo vinakuja katika aina tofauti tofauti, vikigharimu maisha ya watu na hata upatikanaji wa chanjo usio na uhakika. Sababu nyingine ambayo imesababisha waandaji kufikia maamuzi hayo ni kutokana na washiriki (makampuni) wengi kusita kuthibitisha iwapo wangeshiriki kwenye maonyesho hayo ama la!
Vikwazo vya kusafiri ni sababu nyingine ambayo imesababisha maonyesho hayo kuhairishwa kutokana na kwamba kila mara masharti mapya ya kusafiri yanabadilika jasmbo ambalo linaweza kuleta mkanganyiko kwa watu, vyombo vya habari ambao wangewsafiri kuja kushuhudia maonyesho hayo ya IFA 2021.
Sehemu ambayo maonyesho hayo huwa yanafanyika limegeuzwa kwa muda na kuwa kituo cha kutoa chanjo ya virusi vya Corona huko Berlin, Ujerumani.
Je, ni lini yatafanyika?
Waandaji wa maonyesho hayo wamefunga ukurasa kwa mwaka huu kabisa na kuyapeleka Septemba 2-6 2022 ambapo linatarajiwa kuwa mubashara, lililokamilika kila idara.
Macho na masikio ya watu yapo kwenye maonesho ya MWC 2021 yaliyopangwa kufanyika Juni 28-Julai Mosi huko Baercelona iwapo yatahairishwa au la! Oracle, Nokia, Sony na Samsung wameshathibitisha kutoshiriki.
TeknoKona pamoja na ewe msomaji wetu hatuna budi kusubiri kuona kama kutakuwa na mabadiliko yoyote kuhusiana na MWC 2021. Kwa vyovyote tutazidi kuhabarisha kile kitakachojiri.
Vyanzo: Engadet, GSMArena, mitandao mbalimbali
No Comment! Be the first one.