Magemu Yaliyoongoza Kwa Mauzo Katika Mwezi Juni! #2022

Orodha ya magemu ambayo yamefanya vizuri sana katika vifaa vya simu kwa mwezi juni ya mwaka 2022 imetoka na leo tutagusia katika yale yaliyofanya vizuri Zaidi.

Hapa kuna magemu kama vile Pokemon Go, Candy Crush, Genshin Impact na mengine mengi ambayo ndani yake yana huduma za kulipia.

Huduma hizo ni kama vile ununuzi wa maisha, mavazi, silaha n.k kwa kimombo wanaita In-App-Purchase –kwa wale wanaocheza mara kwa mara watakua wamenielewa—ili kufahamu Zaidi kuhusu huduma hii ingia >>HAPA<<

Kumbuka michezo hii pekee katika vifaa vya Android na iOS imeweza kukusanya mapato ya dola bilioni 6.4 za kimarekani kutoka kwa wachezaji magemu ambao wanafanya manunuzi ndani ya magemu – Hii ni kwa mujibu wa Sensor Tower.

Orodha

1. Honor Of Kings ambayo imetengenezwa na Tencent imeingizia dola za kimarekani milioni 238.2 huku asilimia kubwa ya mapato haya ikiwa yanatokea nchini china pekee.
2. Genshin Impact kutoka kwa MiHoYo, Gemu hii imepata mapato ya dola 154 za kimarekani kwa mwezi juni tuu.
3. Nafasi ya tatu inachukuliwa na gemu ya PUG Mobile kutoka tena kwa kampuni ya Tencent
4. Pokemon Go inashika nafasi hii na imepokea makusanyo ya dola milioni 110.2 za kimarekani. Namba hii inasemekana kuwa ndio makusanyo makubwa sana ndani ya mwezi kwa kampuni. Namba hii imepanda sana sababu gemu liliuza tiketi za onyesho ambalo liliwakutanisha wachezaji wake.
5. Namba tano inashikiliwa na gemu la Candy Crush, kwa gemu hili mara kwa mara tangia kuanzishwa kwake imekua ikiwa ingiza mapato mengi kupitia gemu yake.

Ningependa kusikia kutoka kwako, niandikie hapo chini katika eneo la comment, je umeshawahi kucheza magemu haya? Vipi kuhusu kununua chochote ndani ya magemu haya?

Kumbuka Kutembelea Mtandao Wako Wa TeknoKona Kila Siku, Kwani Daima Tupo Nawe Katika Teknolojia!.

Nifuate Kwenye Mitandao Yangu Ya Kijamii

Instagram | Facebook | Twitter | LinkedIn

Hash