Maabara za Google zateua Timu ya Kazi ya Utafiti kwenye teknolojia ya Blockchain

Teknolojia inayounga mkono sekta ya crypto ‘Blockchain’, imeibuka kama uwanja wa kuvutia wa maarifa katika miaka ya hivi karibuni, watafiti kadhaa wanasema. Katika azma ya kuongeza kazi ya utafiti katika sekta ya Blockchain, Google Labs imeteua timu mpya kuangazia teknolojia mpya na inayokuja. Maabara ya Google ni incubator ambayo hujaribu na kukuza maendeleo na miradi ya teknolojia mpya, inayoletwa na kampuni kubwa. Shivakumar Venkataraman, makamu wa rais wa uhandisi katika kampuni amechaguliwa kuongoza kikundi hiki kipya.

Timu inayoangazia blockchain kwenye Google Labs ni ndogo ikilinganishwa na maeneo mengine ya utafiti na bidhaa za Google. Kazi kuu waliyopewa washiriki wa kikundi hiki ni kufanyia kazi teknolojia za kizazi kijacho katika kategoria zilizosambazwa za kompyuta na uhifadhi wa data, Bloomberg ilisema. Teknolojia ya Blockchain kimsingi ni orodha inayopanuka ya rekodi zinazoitwa “vitalu” ambavyo vimeunganishwa na “cryptography,” au misimbo changamano na algorithm.

Kwenye Blockchain, taarifa inaweza kuhifadhiwa kwenye mfumo unaoshirikiwa ambapo kila mtu anaweza kuiona lakini hawezi kuirekebisha, ripoti ya Tech4Fresher inaeleza. Mapema mwezi huu, Bill Ready, rais wa biashara katika Google aliripotiwa kusema kwamba kampuni itabadilika pamoja na mahitaji ya watumiaji na wafanyabiashara.

Kufikia sasa, Google haijafichua mipango yoyote ya kuorodhesha sarafu ya kidigitali kama njia ya malipo kwa huduma zake. Augmented Reality (AR) ni nyanja nyingine ya teknolojia ambayo Google initilia maanani.

Chanzo: Gadgets360

Endelea kutembelea tovuti yetu kujifunza zaidi kuhusu teknolojia na matumizi yake na pia kupata habari mbalimbali za kiteknolojia. Soma makala zetu zingine hapa.