Vipindi ambavyo vipo katika mfumo wa sauti na kurushwa mubashara mtandaoni vimekuwa ni maarufu ambapo hata Linkedin imeingia ulingoni.
Linkedin ni mtandao wa kijamii ambao una heshima yake ya tofauti na hiyo mingine ambayo sote tunaifahamu. Makampuni mengi duniani yanatangaza ajira kupitia Linkedin na watu kuajiriwa kupitia mtandao huo wa kijamii. Sasa Linkedin imeamua kuanzisha mtandao wake wa vipindi vilivyo katika mfumo wa sauti (Podcast) ambavyo vinalengwa wasikilizaji wenye taaluma.
Mada za vipindi ambalimbali ambazo Linkedin itakuwa inaandaa ni pamoja na kuelewa masuala ya teknolojia, masuala yanayohusu afya ya akili, mchakato wa kuajiri watu pale nafasi za kazi zinapotangazwa.
Kuja mtandao huu wa Linkedin ambao ni mahususi kwa vipindi mbalimbali vilivyo katika mfumo wa sauti ni baada ya mfanikio ya kipindi cha “Hello Monday” ambacho kinarushwa Linkedin. Kwenye vipindi hivi vya sauti watangazaji na wasikilizaji bado watakuwa na uwezo wa kuendeleza mjadala hata nje ya kipindi baada ya kukamilika katika siku husika.
Ukiwa unasikiliza vipindi hivyo basi fahamu ya kuwa utakuwa unaona matangazo mbalimbali yakipita kwa chini na mdhamini wa kwanza ni Verizon.
Wasikilizaji wataweza kufahamu ni kipindi gani kinafuata kwa kuwafuatilia watangazaji wake ambao watakuwa wanatoa taarifa mbalimbali lakini pia mtu anaweza kuweka barua pepe yake na kuwa anapata habari (newsletter) kila zinapotoka.
Vyanzo: Engadget, mitandao mbalimbali
No Comment! Be the first one.