LinkedIn kuboresha mifumo ya kibiashara na matangazo.

LinkedIn kuboresha mifumo ya matangazo na usimamiaji wa kampeni ili kuzidi kuvutia makampuni kutumia huduma hizo na kuwawezesha wafanyakazi kusimamia kurasa za kibiashara katika njia bora zaidi.

LinkedIn ni mtandao wa kijamii wa kitofauti kwani wenyewe unahudumia sekta ya ajira na biashara zaidi.

Kupitia mtandao wa kijamii wa LinkedIn ni rahisi watu kujielezea kitaalumu na kuonesha historia zao za kikazi. Pia kupitia tovuti hii ni rahisi kufuatilia kurasa za makampuni, na mashirika na hivyo kuwa katika nafasi nzuri zaidi kufahamu nafasi mpya za ajira na mafanikio yanayojitokeza kwenye kampuni au shirika ambalo mtu analifuatilia.

Uboreshaji wa mifumo ya matangazo na usimamizi wa kurasa za kibiashara

LinkedIn wamesema wanaleta huduma ya Business Manager, ambapo wataboresha eneo linalohusu usimamizi wa kurasa na upangaji wa aina ya watu wanaosimamia kurasa hizo. Hili litamuwezesha mtumiaji mkuu wa kurasa (Admin) kuweza kutoa ruhusa za usimamizi kwa urahisi zaidi kwa watu wengine na pia kuwawezesha watumiaji kuzisimamia kwa urahisi zaidi.

Mafanikio ya mtandao wa kijamii wa Facebook yalichangiwa sana na urahisi wa biashara kuweka na kuyasimamia matangazo yake. Na kupitia maboresho haya LinkedIn wanaamini wataraisisha uwekaji na usimamiaji wa kampeni za matangazo kwenye mtandao huo.

Kwa sasa wameruhusu makampuni kadhaa kutumia mifumo hii mipya, inategemewa hivi karibuni uwezo huo utasambaa kwa watumiaji wengine duniani kote.

Chanzo: LinkedIn