Kwa takribani siku tatu makampuni mbalimbali yanakutana sehemu moja kwa sababu moja tu; kuonyesha vifaa/teknolojia mpya kwa ajili ya michezo aina ya magemu unayoweza kucheza kwenye kompyuta, simu au kifaa kingine tu cha kidijitali.
Katika maonyesho hayo ya E3 kwa mwaka 2018 ambayo yatamalizika siku ya Alhamisi (Juni 14), Lenovo wametambulisha kwa dunia na walioenda kwenye maonyesho hayo kumpyuta 2 toufauti; kompyuta mpakato na kompyuta ya mezani ambazo zipo katika matoleo tofauti tofauti zenye nguvu mahususi kwa ajili ya wacheza magemu.
Kompyuta hizo zilizowekwa kwa mara ya kwaza kwenye maonyesho ya E3 2018 ni:- [Legion Y730, Legion Y530, na Legion Y7000<—kompyuta mpakato] na [Legion T730, Legion Y530, Legion C730 na Legion C530<—kompyuta za mezani].
Lenovo Legion Y520 ni moja ya kompyuta zilizotambulishwa na lenovo katika maonyesho ya magemu E3 2018.
Sifa kuu za kompyuta mpya mahususi kwa ajili ya kucheza magemu.
>Prosesa na uwezo wa kadi kwa ajili ya ubora wa picha. Kompyuta yoyote nzuri ukiwa unalenga kwa matumizi ya kucheza gemu kwa kiasi kikubwa basi ni lazima iwe na prosesa na graphics kadi nzuri. Kompyuta zote ambazo zimetambulishwa na Lenovo kwenye msonyesho ya E3 2018 imeelezwa kwa shuhuda za watu kompyuta hizo zimeboreshwa; zinatumia kizazi cha 8 cha prosesa za Intel pia zina kadi za Nvidia mathalani Nvidia GeForce GTX1050TI kwenye upande wa picha.
>Random Access Memory(RAM). RAM ni kitu kingine muhimu sana kwenye kompyuta ambayo inafanya kazi ya kufanikisha magemu au programu nyingine kubwa zisikwamekwame wakati unazitumia. Kompyuta hizo zina RAM kabambe; moja ya kompyuta hizo ina 16GB Corsair DDR4 RAM.
>Kicharazio kinachowakawaka. Lenovo Legion Y730 inaaminika kuwa kompyuta ya kwanza kuwa na kicharazio cha Corsair iCUE RGB backlit ambacho vilevile kina mwanga wake binafsi hivyo hata kwenye giza unaweza kutumia kompyuta hiyo bila kuhitaji mwanga wa ziada.
Teknolojia ya kicharazio kwenye kompyuta mpakato kuwa na mwanga wake binafsi imekuwa ni kitu ambacho kampuni kama vile Apple imekuwa ikitumia kwenye kompyuta zake.
>Bei. Kwenye gharama hapa sio mchezo kwani bei yake ipo juu; $960-$1,200|Tsh. 2,2,08,000-Tsh. 2,760,000 kulingana na kompyuta utakayohitaji na bei hizo ni kama ukinunulia nje. Ukinunulia kwenye nchi uliyopo bei yake itazidi.
Komyuta ya mezani yenye nguvu kutoka Lenovo ambayo imelenga wale wanaopenda kucheza magemu.
Hatukutaka kuwa mbali na maonyesho ya vifaa vya teknolojia upande wa magemu (E3 2018) lakini tutazichambua kompyuta hizo kiundani zaidi katika makala zitakazofuata.
Timu ya uandishi wa Kona ya Teknolojia ingefurahi kupata sapoti yako ili iendelee kukuletea habari na maujanja mbalimbali.
Wezesha bando kwa kutuma kiasi chochote kupitia Selcom, kwenye simu yako bofya *150*50*1# kwenye namba ya malipo weka 60751369 jina litakuja TEKNOKONA.
Ni Mhariri Msaidizi na mtaalamu wa mambo yanayohusu kompyuta. Pia ni mmoja wa wafuasi wakubwa katika teknolojia; Dunia ya sasa inaendeshwa kwa teknolojia.
Wasiliana nami kupitia |ericmato@teknokona.com|
One Comment
Comments are closed.