Makundi kwenye mitandao ya kijamii, apps yamekuwa njia moja ya kuwakutanisha wengi na watu mbalimbali na kuweza kuongea, kushauriana, kutangaza biashara, n.k.
Tangu WhatsApp ilete kipengele cha groups (makundi) imekuwa ni moja ya njia inayoonekana kuwafikia wengi ndani ya muda mfupi iwapo kuiandika kitu na ukakituma kwenye kundi/makundi ambayo wewe ni mwanachama.
Makundi kwenye WhatsApp yamekuwa kero kwa baadhi jambo kumfanya mtu kujitoa kwenye kundi fulani kutokana na kutopendezwa na kile ambacho kinasemwa kwenye group. Ni wakati wako sasa kujua na kujitoa kabisa na kutorudishwa tena kwenye kundi.
Jinsi ya kujitoa na mtu (admin) kutoweza kukurudisha tena kwenye group.
Wakati wa kujitoa katika kundi fulani ni muhimu kufahamu kuwa WhatsApp haina kipengele cha kuzuia (block) group lisiwepo ila unaweza ukafanya yafuatayo kuepuka kurudishwa tena kwenye kundi:-
- Tunza (save) namba za simu za admin wote wa kundi/makundi unayotaka kutoka na kisha sitisha mawasiliano nao kwenye WhatsApp kwa lugha rahisi ni kwamba wablock.
- Ingia kwenye group husika ambalo unataka kutoka kisha bonyeza sehemu ya juu kabisa kwenye jina la group ili kuweza kuona taarifa za kina kuhusu kundi hilo. Mwisho kabisa wa taarifa za kundi bonyeza “Exit this group“.
Unaweza ukaonekana mbaya lakini ni wewe tu ndio unajua kwanini unajitoa kwenye kundi fulani baada ya kuangalia faida/hasara zitakazotakana na wewe kutokuwepo kwenye kundi/makundi hayo.
Chanzo: Mitandao mbalimbali