Je kwa sababu yeyote unataka kuendelea kufanya kazi zako kwenye kompyuta na huku ukiangalia video flani, hasa ndefu, kutoka YouTube? Basi kwa kuangalia video ya YouTube kupitia VLC kwenye kompyuta itakurahisishia jambo hilo.
Je kuna faida gani kufanya hivi?
Faida zipo mbili;
- Utaweza kuangalia video ikiwa juu ya programu zingine zote, na hivyo kukuwezesha kutopitwa na kile unachoangalia. Unaweza hili kwa kubofya View, kisha Always on Top
- Unaweza pia kudownload video unayoitazama, soma – Shusha Video za YouTube kwa kutumia VLC
Kuangalia video ya YouTube kupitia VLC kwenye kompyuta fuata hatua hizi;
- Hakikisha una programu ya VLC Media Player kwenye kompyuta yako
- Ukifungua VLC, kwenye Menu bofya ‘Media‘, kisha ‘Open Network Stream‘, katika eneo la ‘Network‘ utaona sehemu ya kuweka URL/Anuani ya mtandao.
- Kwenye kivinjari chako, nenda kwenye video ya YouTube unayotaka kuiangalia. Bofya kama unataka kuitazama kisha nenda eneo la anuani ya mtandao (url). Chagua yote na bofya ‘Copy’, kisha rudi kwenye VLC na ‘Paste’ url ile kwenye eneo la ‘please enter a network URL‘.
- Kisha bofya ‘Play’ au Enter. Video itacheza.
Kumbuka VLC yenyewe itaweza kukuchagulia ubora wa video kulingana na kasi ya huduma yako ya intaneti.