Kabati la nguo linalofahamika kwa jina la Tailor litakuwa na uwezo wa kutambua nguo zako zilizokwenye kabati na kujifunza mapendeleo yako ya kimavazi na kisha kuweza kukuchagulia nguo za kuvaa. Upo hapo?
Ukuaji wa teknolojia ya ‘akili ya kutengenezwa’ (artificial intelligence) ambapo imechangiwa sana na ukuaji wa teknolojia za kompyuta kumewezesha nia ya kufanya vifaa mbalimbali viwe vinajitegemea katika kukushauri na kufanyia maamuzi. Hapa tunaongelea magari, TV, Simu zetu na vingine vingi.
Kabati janja hili la Tailor linafanyaje kazi?
Kabati janja hili linazitambua nguo unazomiliki na kisha kukushauri mavazi ya kuvaa kwa kuangalia unachopendelea, na pia kulingana na hali ya hewa ya siku husika.
Kupitia app itakayokuwa inapatikana katika soko la apps (kwa sasa ni kwa iOS tuu) utaweza kuona mapendekezo mbalimbali ya mavazi kwa siku husika.
Kupitia vidude vidogo utakavyowekwa kwenye nguo zako (miniature sensors) teknolojia hiyo itaweza kufahamu nguo utakazokuwa unavaa na hivyo kujifunza mapendeleo yako.
Kwa app yake utaweza ata kufanya mipango yako ya mavazi na kupanga aina za nguo zako kwa urahisi.
Kwa sasa teknolojia hiyo bado inafanyiwa maboresho na itaingia sokoni ikiwa tayari. Je unaionaje teknolojia hii?
Soma pia;
- LAUNDROID: Panasonic Waja na Roboti kwa Ajili ya Kufua, Kukunja na Kupanga Nguo
- Alibaba watambulisha Gari janja lililounganishwa na intaneti na OS
