fbpx
Android, apps, Facebook Messenger, instagram, iOS, Mtandao wa Kijamii, Teknolojia

Jibu jumbe za kwenye Instagram na FB Messenger sehemu moja

jibu-jumbe-za-kwenye-instagram-na-fb-messenger-sehemu-moja
Sambaza

Facebook ndio inayomiliki mitandao ya kijamii pendwa halikadhalika WhatsApp. Pasi na shaka ni mitandao ya kijamii yenye watumiaji wengi zaidi na sasa kuna kitu kizuri ambacho kimeongezwa kwenye Instagram.

Katika kuperuzi kwentu kwenye mitandao ya kijamii na pengine tukiwa tunasukumwa na utandawazi si ajabu mtu kuwepo kwenye Facebook lakini pia Instagram. Nikuulize, uliwahi kufikiri iwapo ungekuwa na uwezo wa kujibu jumbe za kwenye Facebook Messenger kupitia Instagram?

INAYOHUSIANA  Ruhusu Google kufuta kirahisi vitu

Imefahamika kuwa sasa kwenye Instagram (iOS na Android) mtumiaji anaweza akatumia akaunti yake ya Instagram kuweza kujibu jumbe za Instagram na FB Messenger. Hii ikiwa na maana ya kwamba haitamuhitaji mhusika kwenye kwenye Facebook Messenger kufanya mawasiliano na rafiki zake.

Instagram na FB Messenger
Uwezo wa kujibu jumbe za Instagram na FB Messenger wasogezwa sehemu moja.

Kwa watumiaji wa nchini Marekani imeonekana ile alama ya ujumbe kwenye Instagram, maarufu kama “DM” imebadilishwa na kuwekwa nembo ya Messenger. Kuhusu kuanza kupatikana kwa watumiaji wote ni wazi kuwa bado haijajulikana na kwa sasa ipo kwa baadhi ya watu hasa Marekani.

INAYOHUSIANA  Dola Bilioni 24! Snapchat yazidi kujidhatiti katika soko la hisa

Mbali na hilo upo mpango wa kufanya WhatsApp, Instagram na Facebook Messenger kuweza kuwa na ushirikiano zaidi lakini kwa asolimiakubwa kila programu tumishi itaendelea kusimama kivyake bila kutegemea nyingine katika kufanya kazi kama ilivyo hivi sasa.

Vyanzo: Android Central, The Verge

Facebook Comments

Sambaza
0 Comments
Share

Mato Eric

Ni Mhariri Msaidizi na mtaalamu wa mambo yanayohusu kompyuta. Pia ni mmoja wa wafuasi wakubwa katika teknolojia; Dunia ya sasa inaendeshwa kwa teknolojia. Wasiliana nami kupitia |ericmato@teknokona.com|