Instagram ambayo hivi sasa inasifika kwa kuumpa mtumiaji uwezo wa kuchagua kuficha idadi ya watu waliopenda/waliotazama chapisho husika sasa imeboreshwa tena!.
Kipengele kipya cha kumpa uhuru mtumiaji wa Instagram kupitia simu janja kwamba anao uwezo wa kuficha watu wangapi wametokea kupenda kile alichokipandisha. Sasa wahusika wameamua kutanua wigo.
Instagram imenogesha kipengele hicho cha kuficha idadi ya watu wliopenda chapisho kwa kumuwezesha mtumiaji kuamua ni lipi la kuonyesha au kuficha; waundaji wampa anayetumia programu tumishi kuficha idadi ya waliopenda/waliotazama chapisho husika.
Faida za kipengele cha kuficha idadi ya watu waliopenda chapisho husika kwenye Instagram
Umaarufu wa chapisho unatoa tafsiri kwamba kile ulichokiweka kimewavutia watu wengi hivyo kinaweza kuwa kama chanzo cha mapato. Lakini tukiangalia upande wa pili wa shilingi unapoamua kuficha unakuwa unaelekeza umakini kwenye kile ulichokiweka na si idadi ya waliovutiwa nacho kwani kuna uwezekano mkuwa wa kufedheka iwapo chapisho husika halitapokelewa vizuri.
Kipengele hiki kipya kimepokelewa kwa mtazamo tofauti lakini mwisho wa siku wewe ndio mwenye kuamua kuficha ama la!Tunakaribisha maoni yako kuhusu hili au kitu kingine. Daima tunasema usiache kutufuatilia kila uchwao.
Vyanzo: GSMArena, mitandao mbalimbali
No Comment! Be the first one.