Makali ya Oppo kwenye simu janja bado yanaendelea kuonekana kwenye simu janja hii Oppo Reno6 Pro+ 5G ambayo imetoka sambamba na nduguze wawili.
Simu hii ndio kubwa kabisa kwa maana ya uwezo pamoja na sababu nnyingine ambazo wazijua wenyewe Oppo. Kiujumla nguvu nyingi zimewekwa kwenye simu janja hii hivyo kuifanya kuwa ya kitofauti na wenzake lakini inafanana na wenzake maeneo mengi tuu. Sifa zake ni kama ifuatavyo:-
Kioo :
- Ukubwa: Urefu wa inchi 6.55
- Ubora: AMOLED (1080*2400px, 90Hz); ina ung’avu wa hali ya juu sana kufanya kinachoonekana kivutie
Memori :
- Diski uhifadhi: 128GB/256GB
- RAM: GB 8 na 12
Kamera :
- Kamera Kuu: MP 50, 13, 16 na 2+taa mbili ya kuongeza mwangaza sehemu ambazo kuna mwanga hafifu. Ina uwezo wa kurekodi picha mnato za ubora wa 4K na 1080px
- Kamera ya Mbele: MP 32+uwezo wa kurekodi picha mnato za ubora wa 1080px
Oppo Reno6 Pro+ 5G: Muonekano wa nyuma na mpangilio wa kamera. Upande wa mbele unalindwa na Corning Gorilla Glass 5, nyuma-kioo.
Betri/Chaji :
- Li-Ion 4500 mAh
- USB-C 3.1, OTG+uwezo wa kuchaji haraka kwa nguvu ya 65W, inatumia “Super VOOC 2.0” ambayo inafanya chaji kujaa haraka
Kipuri mama :
- Snapdragon 870 5G
Uzito :
- Gramu 188
Programu Endeshi
- ColorOS 11.3, Android 11
Rangi/Bei :
- Kahawia na Bluu
- Bei yake inaanzia $612 (zaidi ya Tsh. 1,407,600) kwa bei ya ughaibuni
Simu hii haina sehemu ya kuchomeka spika za masikioni, memori ya ziada, inatumia kadi mbili za simu, teknolojia ya kutumia alama ya kidole ipo kwa pembeni, mnara wa mawasiliano ni GSM / CDMA / HSPA / CDMA2000 / LTE / 5G, Bluetooth 5.2, WiFi.
Unaweza ukachanganyikiwa simu janja ipi ya kununua hasa sisi anbao tunapenda kufahamu sifa muhimu na za ndani kuigusu rununu husika. Wewe je, una mawazo gani? Tupe maoni yako.
Vyanzo: GSMArena, mitandao mbalimbali
Other Articles
Next
Previews
No Comment! Be the first one.