Ule msemo wa “Duniani wawili wawili” hata kwenye simu janja pia unaweza kutumika kwani makampuni yanayotengeneza rununu yanaweza kuleta rununu ambazo zinafanana karibu kila kitu.
Samsung Galaxy Wide 5 na Galaxy A22 5G ni mapacha ambao wanafanana karibu kwa kila kitu; naweza kusema kwa zaidi ya 90% sifa za Galaxy Wide 5 ni sawa tuu za kwenye Galaxy A22 5G. Hizi ndio sifa zake:
Muonekano|Kipuri mama
Simu hii ina kioo chenye urefu wa inchi 6.6 aina ya LCD huku ung’avu wa kile kinachoonekana kwenye uso wa juu unafikia 1080px+Kwenye upande wa kipuri mama imetumika Dimensity 700 5G.
Kamera|Memori
Kwenye simu hii kuna jumla ya kamera 3 nyuma na moja mbele; ile ya mbele ina MP 48, inayofuatia MP 5 na ya mwisho ni MP 2+taa ya kuongeza mwanga. Kamera ya mbele ina MP 8. Kwenye memori simu hii ina GB 6 za RAM, 128GB diski uhifadhi halikadhalika ina uwezo wa kukubali memori ya ziada ya hadi 1 TB.
Uwezo wa betri|Mengineyo
Betri ya kwenye simu hii ni lile ambalo si la kuchomoa na kuchomeka, lina nguvu ya 5000mAh, halikadhalika 15W za teknolojia ya kuchaji haraka. Inatumia USB-C 2.0, Bluetooth 5.1, WiFi 5, teknolojia ya kuweka alama ya kidole imewekwa kwa pembeni, ukubwa wa diski uhifadhi unatofautiana kulingana na nchi ambazo zitauzwa simu hii.
Mwisho, lakini si kwa umuhimu imezinduliwa huko Korea Kusini kwa ajili ya mtandao wa simu uitwao SK Telecom lakini bei ya Galaxy Wide5 bado hajafamika na inatazamiwa kuingia sokoni hivi karibuni.
Kumbuka kufuatilia TeknoKona ili uweze kuhabarika halikadhalika kuelimika kuhusu teknolojia.
Vyanzo: GSMArena, mitandao mbalimbali
No Comment! Be the first one.