Soko maarufu kwa ajili ya kuweza kupakua programu tumishi zilizohakikiwa na rasmi zipo kwenye “Google Playstore” kwa simu yoyote ambayo inatumia mfumo endeshi wa Android.
Katika siku za karibuni Google wameboresha muonekano wa soko lao mahususi kwa programu tumishi mbalimbali ambazo zimetengenezwa kufanya kazi kwenye vifaa vya Android.
Vitu ambavyo vimeboreshwa vinahusisha kuweka vitu katika mpangilio wa makundi ili iwe rahisi kwa mtumiaji kuweza kupata kile anachokihitaji kwa urahisi zadi (bila kusumbuka).
Lakini pia kwenye huo muonekano mpya utaona maboresho upande wa rangi kwa kuondoa rangi ya kijani iliyodumu kwa miaka mingi na badala yake hivi sasa ipo rangi nyeupe hasa kwenye kipengele cha mpangilio.
Toleo hilo jipya ni la nambari 12.6.13 na ili kulipata utatakiwa kupakuwa masasisho yake au au utumie njia ya kushusha Google Playstore APK la toleo jipya kabisa.
Vyanzo: GSMArena, The Android Soul