Kampuni ya kisasa ya simu ya kituruki ya General Mobile imezindua simu yake mpya inayofahamika kwa jina la GM9 Pro ambayo ina sifa za kuwa miongoni mwa simu bora duniani.
Miongoni mwa nguvu na ubora wa GM 9 Pro ni kamera nzuri, ujazo mzuri wa betri yake kwa kukaa na chaji kwa muda mrefu pamoja na kuwa na mfumo endeshi wa Android oreo.
Aidha kwa upande wa sauti ipo vizuri pia kulingana na sauti ya simu za Google Pixel 2. Na kwa upande wa kamera ina uwezo wa kurekodi video za 4K.
Wasifu wa GM 9 Pro
Mawasiliano: 4G
Kioo: AMOLED Full HD, ukubwa wa inchi 6.01Uwezo wa GPU: Adreno 512
Uwezo wa Prosesa: Vipuri nane (8)ndani ya moja na kasi 2.2 ya GHz
Aina ya Prosesa: Qualcomm Snapdragon 660
Mfumo endeshi: Android 8.1 Oreo
Ukubwa wa ndani: 64 unaweza kuweka MicroSD mpaka ukubwa wa 256GB
Ukubwa wa RAM: 4GB
Kamera : Ya nyuma: zipo mbili 12MP + 8 MP na ile ya mbele ina 8 MP, f / 2.0
Ukubwa wa Betri: 3800mAh
Ulinzi: Ina uwezo wa kutumia alama ya kidole
Redio: FM Radio
Bei: 385 USD (Tsh. 870,000/-)
Rangi: Fedha, Kahawia na Dhahabu.
Kampuni iliyotengenza GM 9 Pro kwa sasa simu zao zinauzwa katika mataifa 33 duniani.
Kampuni husika inatarajia kupanua soko lao mpaka kufikia mataifa 45 kabla ya kumalizika mwaka huu wa 2018 na wameweka kiasi cha pesa za kituruki zipatazo milioni 100 za Lira (sawa Tsh. milioni 36,200,000).
Timu ya uandishi wa Kona ya Teknolojia ingefurahi kupata sapoti yako ili iendelee kukuletea habari na maujanja mbalimbali.
Wezesha bando kwa kutuma kiasi chochote kupitia Selcom, kwenye simu yako bofya *150*50*1# kwenye namba ya malipo weka 60751369 jina litakuja TEKNOKONA.
