Kwa wake ambao programu endeshi kutoka familia za Windows zinadai kufanyiwa masasisho kama hukutumia mchanganiyo wa herufi na namba ili kuweka mambo sawa basi utakuwa ulitumia KM Spico.
Iwapo unatumia programu endeshi (Windows) yenyewe kabisa kwa lugha rahisi ilinunuliwa nikupe hongera zako ila kama wewe ni moja kati ya watu ambao tunapenda kuweka programu kwenye kompyuta lakini sio kutoka kwa aliyeitengeneza basi naamini umeshakutana na kadhia iliyokuhitaji ufanyie masasisho Windows 7, 8, 8.1, n.k au Microsoft Office 2013/16.
Nathubutu kusema nilipata wakati mgumu kidogo pale iliponibidi kufanyia masasisho programu endeshi kwenye kompyuta ninayotumia kwani kila nilipojaribu kupakua programu KM Spico ilishindikana majibu yakiwa “Downloading Failed–Virus detected“.
Ndipo hapo nilipotaka kujua kwanini ilikuwa inakataa kukubali kushusha programu husika kumbe sababu ilikuwa ni Windows Defender (programu ya kupambana na kuzuia virusi kwenye kompyuta zinazotumia mfumo endeshi wa Windows) kwa maana ya kwamba ilichukulia KM Spico kama kirusi hivyo ikaizuia.
Jinsi ya kushusha KM Spico bila tatizo.
Sasa linapokuja suala la kupakua bila shida yoyote ni lazima ubadilishe kidogo mpangilio kwenye Windows Defender ili kuruhusu kupakua na hatimae kuiweka ndani ya kompyuta ili kusasisha. Bofya kitufe cha “Start” kisha andika neno “Defender” na baada ya hapo utachachagua “Windows Defender Settings“. Utapelekwa kwenye uwanja mpya na utachotakiwa kufanya ni kuzima (weka off) kipengele cha “Real-Time Protection“.
Si tu kwa KM Spico ndio itakataa kushushwa iwapo umeruhusu ulinzi ila kwa ni programu yoyote ambayo Windows Defender itaichukulia kuwa ni tishio kwake hivyo inashauriwa kuzima kwanza kisha kuwasha mara baada ya kufanikiwa kuiweka kwenye kompyuta programu uliyoipakua.
Hii ndio simu janja ya kwanza yenye mkunjo
Aliyepooza anaweza akatembea tena
