Apple waamua kuweka kando AirPower

Imekuwa kama desturi ya makampuni mengi wakati wa uzinduzi wa bidhaa fulani basi kuna vitu vingine pia vitawekwa wazi siku hiyo mbali na vile ambavyo vimekuwa vikiongelewa sana kabla ya uzinduzi wake. Mwaka 2017, Apple walizindua iPhone X pamoja na AirPower lakini tangu wakati huo haikuingizwa sokoni.

Sisi wateja wa bidhaa za kidijitali furaha yetu ni kuweza kuchaji vitu vingi kwa wakati mmoja na divyo ambavyo Apple walikuwa wamefikiria kuweza kuwawezesha nawaomiliki bidhaa za kampuni hiyo kufurahia teknolojia ya aina yake. Unafahamu AirPower ni nini? AirPower ni kifaa ambacho kinaweza kuchaji bidhaa kama iPhone, Apple Watch na AirPods kwa wakati mmoja na sehemu moja.

Sasa basi kama umekuwa mfuatiliaji mzuri na ulikuwa ukisubiri AirPower kuiniga sokoni ondoa mategemeo ya kuiona bidhaa hiyo na hii inatokana na taarifa rasmi kutoka kwa wahusika kuhusu kuachana na bidhaa hiyo kutokana na kwamba kutofikia matarajio yao iwapo ikiingia sokoni; taarifa hiyo inakuja bada ya mwaka mmoja na nusu kuchelewa kuinigzwa sokoni.

Hivyo ndivyo mambo yalivyo na hii inamaanisha kuwa sio kila kitu ambacho kinatambulishwa siku ya uzinduzi basi kitaletwa sokoni. Hii inaweza kuwa ni huzuni kwa walikuwa wanategemea AirPower lakini pengine kuna kitu kingine kizuri zaidi.