Android 11 yafika kwenye simu janja Motorola One

Simu janja nyingi tuu zaendelea kuwezeshwa kuhamia kwenye Android 11 ambapo watumiaji wa Motorola One wanaweza kufurahia yale yanayopatikana kwenye programu endeshi husika.

Kama utakuwa ni mpenzi wa simu janja zinazotengenezwa na Motorola naamini najua kwamba rununu ninayoiongelea humu ilitoka mwaka 2019 ikiwa ma Android 9 Pie. Baada ya muda kidogo ikaruhusiwa kushusha Android 10 na sasa wakati wa Android 11.

Android 11 ndio toleo la hivi sasa kwa upande wa programu endeshi na tayari toleo la 12 lipo jikonni likitazamiwa kutoka baadae mwaka huu. Rununu za makampuni mbalimbali ni miongoni mwa nyingi ambazo zitapata masasisho hayo mara yatakapotoka.

Je, Android 11 kwenye simu hii imeshafika nchi zote?

Android 11 imeshafika kwenye Motorola One lakini mpaka makala hii inaandaliwa toleo hilo la programu endeshi linapatikana kwa walio Brazil ingawa taarifa zilizopo ni kwamba toleo hilo litafika kwingineko duniani.

Unafahamu kuwa Motorola imerudisha machoni pa watu simu zake ambazo zinakunjika na kukunjuka? BOFYA HAPA kufahamu zaidi.

Wewe kama mtumiaji wa simu janja una tabia ya kupakua masasisho kwa ajili ya rununu unayoitumia? Kama jibu ni hapana basi fahamu kuwa unakiweka kifaa chako cha kiganjani hatarini kushambuliwa.

Vyanzo: GSMArena, mitandao mbalimbali