Wingi wa Android 11 kwenye simu janja unaendelea kusogea na sasa Nokia 5.3 imewezeshwa kuweza kupokea masasisho hayo muhimu.
Ni karibu ya mwaka mmoja sasa tangu Nokia 11 ilizinduliwa ikiwa na Android 10 lakini sasa rununu hiyo imeonekana kuwa ni wakati sahihi kwa kuweza kupeleka Android 11 kwa watumiaji wake. Lakini masasisho hayo yanakuja ikiwa imebaki mwezi mmoja itoke Android 12.
 Android 11 kwenye Nokia 5.3
Kwenda kwa Android 11 kwenye Nokia 5.3 ni pamoja na masasisho ya kiusalama wa simu janja ya mwezi Juni ambapo tayari watumiaji wa rununu husika nchini Cambodia, Hong Kong, India, Indonesia, Laos, Macau, Malaysia, Myanmar, Nepal, Sri Lanka, Switzerland, Taiwan na Vietnam wanaweza kushusha toleo hilo la programu endeshi.
Toleo hilo la programu endeshi lina ukubwa GB 1.67 na kuna vitu vizuri ambavyo vinapatikana kwenye Android 11 kama ambavyo wanaotumia toleo hilo wanaweza kuthibitisha.
TeknoKona ushauri wetu ni daima tukumbuke kuhakikisha kuwa simu inakuwa na chaji zaidi ya 50%, kifurushi cha intaneti ambacho kinazidi GB 1.7 bila kusahau uwepo wa nafasi kwenye memori angalau GB 1.8 na zaidi.
Vyanzo: GSMArena, mitandao mbalimbali
No Comment! Be the first one.