Katika ulimwengu wa bidhaa za kidijitali Acer ni miongoni mwa kampuni ambazo zimekuwepo kwa muda mrefu na kutoa bidhaa nyingi ambazo zimeuzika kwa wingi na kuijengea heshima wahusika. Sasa wameona inafaa kuingia kwenye ulingo wa runinga janja.
Kwa zaidi ya miaka 45, Acer wamekuwepo kwenye ulingo wa biashara wakifanya biashara ya vifaa vya kidijiti kama kompyuta, tabiti, simu janja halikadhalika na vitu vingine vingi vinavyohusiana na ulimwengu wa kidijiti na katika siku za usoni wanatazaniwa kuja na runinga janja za kwao kwa mara ya kwanza kabisa.
Taarifa zinasema Acer wameingia makubaliano ya leseni na kampuni ya huko India, Indkal Technologies watakayokuwa na kazi ya kutoa runinga hizo janja za Acer. Runinga hizo zitakuwa na ukuwa tofauti kuanzia inchi 32 hadi 70 na kuuzwa kupitia tovuti mbalimbali nchini India zinazofanya biashara ya kuuza vitu kwa njia ya mtandao.
Kampuni ambayo Acer imeingia nayo mkataba inajishughulisha na shughuli ya utengenezaji, usambazaji, kufanya matengenzo ya vifaa vya kidijitali huko India ambapo mauzo ya runinga hizo janja zitaanza kuuzwa nchini humo kwanza kabla ya kutoka nje/kufika kwingineko duniani.
Bidhaa hiyo mpya inatazamiwa kuingia sokoni mwezi huu wa Septemba lakini hakuna taarifa ya ziada kuhusiana na runinga hizo. Tutaendelea kuwahabarisha kadri itakavyobidi.
Vyanzo: Gadgets 360, Times of India
No Comment! Be the first one.