Kwa taarifa zilizotoka hivi karibuni zinasema kuwa Twitter wapo mbioni kutumia mtindo wa kulinda ujumbe wa watumiaji wake wa mazungumzo yao yanakuwa yanaweza kusomwa kati ya watu wawili tu.
Utaratibu huo (end-to-end) hufanya mazungumzo yote yanayofanywa na watu wawili kubaki kuwa siri bila ya kuweza kuingiliwa na mtu wa tatu.
Mjuzi wa kuandika programu mwenye jicho la Tai, Bi. Jane Manchun Wong pamoja na mitandao mbalimbali amegundua hilo kupitia majaribio na uchunguzi alioufanya kwenye programu ya Twitter kwenye simu za Android.
Moja wa watu waliobaini kuwa Twitter ipo mbioni kuhakikisha jumbe za watu zinakuwa salama.
Mwaka 2016, Edward Snowden alimwomba Mkurugenzi Mtendaji wa Twitter, Bw. Jack Dorsey kuwa na uwezekano wa kulinda mawasiliano kati ya wale wanaowaliana (end-to-end encryption) kwenye Twitter au uwepo na utaratibu wa ujumbe kufutika pale tu muhusika aliyetumiwa atakapousoma.
Maana ya ujumbe kuweza kusomwa na wale ambao wanawasiliana tu.
Kuongezeka kwa kipengele hicho kutaizidishia Twitter kuwa jukwaa lililo salama zaidi kwa mawasiliano na ufikishaji ujumbe kwa jamii. Mpaka sasa Twitter haijatoa tamko lake kuhusiana na taarifa hiyo kama ina ukweli wowote au la!
Timu ya uandishi wa Kona ya Teknolojia ingefurahi kupata sapoti yako ili iendelee kukuletea habari na maujanja mbalimbali.
Wezesha bando kwa kutuma kiasi chochote kupitia Selcom, kwenye simu yako bofya *150*50*1# kwenye namba ya malipo weka 60751369 jina litakuja TEKNOKONA.
