Leo tunakuletea app inayokuwezesha kudownload/shusha video za YouTube kwenda kwenye simu yako ya Android – kama video au kama MP3.
App ya Peggo inakuwezesha kupakua sauti ya video za YouTube kwenda moja kwa moja kwenye simu yako kama MP3 au video. Video unaweza zipakua katika kiwango cha HD moja kwa moja kwenye simu yako.
1. Pakua app ya Peggo
Hatua ya kwanza ni kupakua app ya Peggo kwenye simu yako ya Android.
Muhimu kufahamu ni kwamba app hii haipatikani kwenye soko la Google PlayStore. Kupakua app ya Peggo ni lazima uende kwenda mtandao wao ila kwanza wezesha upakuaji/install wa app zisizorasmi (yaani kutoka Google PlayStore) — SOMA HAPA -> Kuweka Apps kwenye Simu za Android bila Kutumia Google Play
Kisha pakua app ya Peggo – http://app.peggo.tv/download
2. Jinsi ya kudownload video
Ukishapakua/download & install app ya Peggo kwenye simu yako, hakikisha una app ya YouTube. Ingia kwenye app ya YouTube na utafute video unayoitaka. Ukifika bofya kama unataka kuitazama na uchague eneo la kusambaza – yaani ‘Sharing’. Ikifunguka eneo la kuchagua apps chagua Peggo.
App hiyo itafunguka na kukupa chaguo la kupakua chochote ulichokuwa umekichagua hapo mwanzo – bofya ‘Record MP3’ na app hiyo itakupakulia faili hilo katika mfumo wa mp3.
Ila kama unataka video badala ya faili la sauti pekee basi bofya ‘Record Video’ na kisha chagua ubora wa video na kisha bofya ‘Record MP4’.
3. Faili linaenda wapi?
Ukishabofya ‘Record MP3’ au ‘Record MP4’ faili lako litaanza kushushwa (download) moja kwa moja kwenda kwenye simu yako – momori ya simu au kwenye memori kadi, kulingana na simu na simu.
Unaweza kwenda tuu kwenye Gallery na utakuta video yako, na ukienda kwenye app ya muziki utakuta wimbo wako. Pia unaweza pata mafaili kwenye memori kadi kupitia folder la ‘Music’
- Pia unaweza kutumia mtandao wao kwa ajili ya kudownload vitu kutoka Youtube na SoundCloud katika mfumo wa MP3 kupitia kwenye kompyuta yako – http://peggo.tv/
- Kisha pakua app ya Peggo – http://app.peggo.tv/download