Je ushawahi kununua bidhaa Instagram? Basi utakuwa unafahamu mfumo wa sasa unahusisha wewe kuwasiliana na muuzaji na kisha ndio manunuzi hayo kufanyika kwa kupeana au kutumia pesa.
Instagram wanakuja kitofauti.
Instagram wameanzisha majaribio nchini Marekani ya huduma yao mpya kwa ajili ya watu wanaofanya biashara ya uuzaji wa bidhaa kupitia mtandao huu maarufu wa kijamii.
- Wametengeneza mfumo ndani ya app hiyo utakaofanya biashara za uuzaji wa bidhaa kuwa mwepesi zaidi na unaohusisha malipo ya kimtandao – yaani VISA, MasterCard au PayPal.
- Ukishalipia bidhaa kupitia Instagram utaweza kujua lini na muda gani bidhaa itakufikia – yaani mwenye biashara atahusika kukutumia bidhaa yako baada ya wewe kufanya malipo ya moja kwa moja kwenye app.
- Ili kutokuwa nyuma kimaendeleo pia Instagram wamekuja na sheria ya wao kusimamia malipo ya madai ya mteja, yaani mfano umeagiza bidhaa alafu haikufika – basi wao watahakikisha pesa yako inarudi kwako (refund).