Kampuni HDM Global inayotengeneza simu za Nokia mwishoni mwa wiki iliyopita na siku moja kabla ya uzinduzi wa Mkutano wa Mobile World Congress huko Barcelona nchini Uhispania, ilitangaza kuzindua simu janja ya Android imara na ngumu zaidi duniani.
Simu hiyo inayotajwa kuwa ni ngumu kuvunjwa kwa mkono ni Nokia 8 Sirocco. Uzinduzi wa simu janja hii umeleta gumzo kubwa kwa wafuatiliaji wa mambo ya simu.
Kikubwa kilichovutia simu hii ni muundo wa Kava ya yake kuwa katika muundo wa chuma. Simu janja nyingi zimekuwa zikitengenezwa bodi yake katika muundo wa malighafi ya Aluminium. Kava ya simu hii ni imara na ngumu zaidi ya mara mbili ya bodi ya simu za Aluminium.
Muundo wa Kava ya simu ya Nokia 8 Sirocco unafanana na ule wa Simu ya Nokia 8800 iliyotoka 2005 ambayo Kava yake ilikuwa ya chuma cha pua.
Mbali na na kuwa na kava ya chuma pia asilimia 95 ya uso wa nje wa Nokia 8 Sirocco ni kioo. Na kioo chake kimepinda (Curves) kidogo mfano wa kioo kama cha Samsung. licha ya ugumu wa Bodi yake pia haiingi maji wala kusumbuliwa na vumbi.
Ukubwa wa kioo cha simu hii ni 5.5-inch chenye teknolojia ya P-OLED QHD (1440×2560). Kwenye upande wa Kamera itakuwa na kamera mbili za nyuma moja ina ukubwa wa 12MP na nyingine yenye 13MP zikiwa zimetengenezwa na kampuni ya kijerumani ya Zeiss. Kamera ya mbele (Selfie) itakuwa na uwezo wa 5MP na kuweza kurekodi video ya 1080p.
Upande wa betri lina ujazo wa 3260 mAh ambapo chaji yake inaweza kukaa kwa siku moja hadi mbili kwa utumiaji wa kawaida.
Sifa nyingine ya simu ni kama ifuatavyo:
Ukubwa wa RAM ni 6GB
Uhifadhi ni 128GB
Mawasiliano ni:
GSM: 850/900/1800/1900
CDMA One: BC (800)
CDMA 2000: BC0 (800)
WCDMA: 1,2,5,8,
TDS CDMA: 34,39
FDD-LTE: 1, 2, 3, 4, 5, 7, 8, 20, 28
Ulinzi
Fingerprint sensor
Mfumo endeshi:
Android Oreo
Wachambuzi wa mambo ya simu wanaiona simu hii ni kama ya thamani sana na inaweza kuwa jibu sahihi kwa simu nyingi ambazo zimekuwa zikiharibika kava zake kwa haraka zaidi.
Hata hivyo kuna wasiwasi simu kuwa nzito kutokana na Kava lake kuwa la chuma hivyo kuleta shida hasa pale inapowekwa mfukoni na ikiwa kwenye Vibration kushindwa kutoa ishara nzuri ya mtikisiko wake.