Kiswahili hivi karibuni kinatarajiwa kuwa lugha ya kwanza kutoka bara la Afrika kutambuliwa na mtandao wa kijamii, Twitter kwa watumiaji wake kote duniani.
Watumiaji wa Twitter duniani kote wataweza kutafsiri taarifa (tweets) zilizowekwa kwa lugha mbalimbali kwenda kwenye Kiswahili ambacho kinazungumzwa zaidi katika nchi za Afrika Mashariki.
Hili limekuja baada ya jukwaa la kwenye mtandao wa kijamii lililoongozwa na watu wa Afrika Mashariki kutaka Kiswahili kutambulika na kuingizwa katika kutafsiri lugha nyingine.
Nchi zinazoitumia Kiswahili kama lugha ya taifa au lugha ya kibiashara barani Afrika.
Kufanya ujunbe ufike mbali zaidi, kampeni yenye hashtag #SwahiliIsNotIndonesian na #TwitterRecognizeSwahili imetumika. Kwa muda mrefu machapisho yaliyoandikwa katika lugha ambayo Twitter haiitambui hivyo lugha iliyokuwa inatumika kutafsiri lugha nyingine ni lugha ya Indonesia.
Twitter ilivyokuwa ikivyokuwa haitambui Kiswahili na kufikiri ni lugha ya Indonesia.
Kutambuliwa kwa Kiswahili kwenye Twitter inakuwa ndio lugha pekee mpaka sasa kutoka bara la Afrika. Twitter inatambua lugha 34 mpaka sasa kutoka duniani kote ambapo awali hakukuwa na lugha yoyote kutoka Afrika.
Lugha za Afrika zimekuwa zikitambuliwa kama lugha ya Indonesia kitu ambacho kimezua kampeni nyingi mathalani #AfricanLanguagesMatter na #AfricanLanguagesDay.
Kiswahili ni lugha rasmi katika nchi za Tanzania na Kenya na kinazungumzwa sana katika nchi za Rwanda, Burundi, Uganda, Jamhuri ya Kidemokrasia ya Kongo, Msumbiji na Visiwa vya Komoro.
Mipango inaendelea kufanya Kiswahili kuwa lugha rasmi kwa nchi za wanachama wa Jumuiya ya Afrika Mashariki. Kiswahili kinazidi kufika mbali, tutumie lugha yetu.
Timu ya uandishi wa Kona ya Teknolojia ingefurahi kupata sapoti yako ili iendelee kukuletea habari na maujanja mbalimbali.
Wezesha bando kwa kutuma kiasi chochote kupitia Selcom, kwenye simu yako bofya *150*50*1# kwenye namba ya malipo weka 60751369 jina litakuja TEKNOKONA.
