Kampuni ya Apple imetoa mwaliko kwa waandishi wa habari za teknolojia na wadau mbalimbali wa tasnia hiyo kuhudhuria tukio maalum katika ukumbi wa Steve Jobs Theater huko Cupertino, California siku ya Jumatano tarehe 12 Septemba 2018.
Siku hiyo inatarajiwa kuambatana na kutangazwa simu mpya za iPhone 9 na iPhone 11 au iPhone X Plus. Hata hivyo, majina ya simu hizo bado hayajathibitishwa kuwa ndio majina rasmi ila taarifa zinasema huenda zikazinduliwa simu tatu.
Tetesi zinasema kwamba iPhone X itakuwa na kioo cha ukubwa inchi 5.8, iPhone 11 itakuwa na inchi 6.5 na iPhone 9 inchi 6.1.
Muonekano unaotajwa wa iPhone X Plus
Pia bado haijajulikana sifa halisi ya simu zitakazozinduliwa ingawa kuna taarifa za tetesi kuhusiana na matoleo hayo mapya.
Kwa taarifa kamili za uzinduzi huo na iPhone mpya endelea kufuatilia kwa karibu hapa teknokona ambapo utajua kila kinachoendelea katika masuala ya habari za teknolojia.
Timu ya uandishi wa Kona ya Teknolojia ingefurahi kupata sapoti yako ili iendelee kukuletea habari na maujanja mbalimbali.
Wezesha bando kwa kutuma kiasi chochote kupitia Selcom, kwenye simu yako bofya *150*50*1# kwenye namba ya malipo weka 60751369 jina litakuja TEKNOKONA.
