Kwa miaka kadhaa kampuni nyingi tu duniani zimekuwa ziktoa simu mbili/kila moja kwa wakti wake lakini ambazo zinatoka familia moja. Huawei ambao ndio wamiliki wa bidhaa zinazobeba jina la “Honor”, wametoa Honor 10 Lite baada ya mtangulizi wake kutoka mwezi Januari 2019.
Ukifuatilia kwa karibu makampuni ambayo yanatoa simu mbili kutoka familia moja utagundua kuwa tofauti kati ya simu hizo mbili ni sehemu ndogo tuu na ndivyo ilivyo kati ya Honor 10 na 10 Lite. Makala hii inaangazia mdogo wa Honor 10, fuatana nami kuifahamu.
Kipuri mama+Ubora wa kioo
Aina ya kipuri mama kilichopo kwenye toleo la Lite ni Kirin 710 kama ilivyo kwa mtangulizi wake. Kioo chake ni inchi 6.21 ubora wa LCD+HD (1080x2340px) sawa na ilivyo kwa mtangulizi wake.
Kamera+Betri
Hapa toleo hili wameweka kamera mbili nyuma na moja mbele; zile za mbele zina MP 13+MP 2 kwa ajili ya teknolojia ya utambuzi wa vitu, kamera ya mbele ina MP 24. Zile picha za kujipiga kwa kutumia kamera ya mbele naamini zitakuwa murua sana. Betri ina uwezo mzuri pamoja na kuwa na teknolojia ya kuchaji haraka. Hapa nazungumzia 3400mAh pamoja na 10W kwa ajili ya kuchaji haraka.
RAM+Diski uhifadhi
Tofauti kati ya Honor 10 na mdogo wake ipo kwenye kipengele hiki; Honor 10 Lite ina GB 3 za RAM na GB 32 memori ya ndani lakini pia unaweza kuweka memori ya ziada. Honor 10 yenyewe ina 4 GB RAM na GB 64 za diski uhifadhi.
Bei, programu endeshi+mengineyo
Simu hiyo kwa mujimu wa vyanzo mbalimbali ni $175 ambazo ni zaidi ya Tsh. 402,500, imewekwa Android 9 Pie na ina duara dogo kwenye uso wa kamera ya mbele, redio, sehemu ya kuchomeka spika za masikioni, ulinzi wa kutumia alama ya kidole vyote vipo. Lakini pia unaweza kuweka mpangilio wa namna fulani fulani kwa ajili ya kukabiliana na uraibu wa kutunia simu.
Honor zimeendelea kutoa na kufanya wateja wa bidhaa za kidijiti kuwa uwanja mpana wa kuchagua ni simu gani itakufaa kulingana vile ambavyo wewe vinakupendeza lwenye simu za kisasa.
Vyanzo: GSMArena, Trusted Reviews